Date: June 28th, 2024 8:51 AM
Author: Cracking Mischievous Windowlicker Locus
https://www.bbc.com/pidgin/articles/c729wg75lnpo
28 June 2024, 07:39 WAT
New Informate 6 hours wey don pass
Joe Biden and Donald Trump bin go head-to-head for di first debate of di 2024 presidential election.
Di two tackle issues like abortion, di economy and foreign policy. Dem insult each oda as well, bringing up convictions as dem also call each oda names.
Before Thursday evening, many Americans bin don express concerns about Joe Biden age and fitness for office. To say dis debate no make those concerns disappear fit be one of di greatest understatements of di year.
Di president come into di debate with a low bar to clear, and e bin dey jam talk. E bin dey flat. E no dey clear.
For like di middle of di debate, Biden campaign tell reporters say di president get cold - as dem try to explain di way im voice bin dey sound. E fit be so, but e also sound like excuse.
Skip Recommended articles and continue reading
Recommended articles
Bola Tinubu
‘I dobale for democracy’ - Tinubu react to June 12 celebration fall
Joe Biden and Hunter Biden deplane from Air Force One for 2023
Hunter Biden: US president Joe Biden only surviving son go go jail?
Michael Cohen, Donald Trump, Stormy Daniels
Di main people for Donald Trump shut up-money trial
US President Joe Biden for Brownsville, Texas on 29 February
Biden go give legal status to couples wey dia paper no complete for US
End of Recommended articles
For 90 minutes, most of di time, Joe Biden dey on hotseat. Particularly early in di evening, some of im answers no make sense. After e lose im train of thought e end one answer by saying, “We finally beat Medicare” – very odd reference to di government healthcare programme for di elderly.
Tension, personal issues and plenty drama - wetin go happun for Biden, Trump debate
27th June 2024
Mr Biden own former communications director Kate Bedingfield bin dey on CNN immediately after di debate, and she bin dey clear: "No two ways about am, dat no be good debate for Joe Biden."
She say im biggest issue bin be to prove say e get di energy and di stamina, and e no do am.
As di debate go on, like boxer wey im back dey against di ropes, Mr Biden start to attack im opponent in an attempt to change tins. A few of di shots im fire land, e provoke di former president to give angry responses
Say di first few topics CNN moderators raise na top voter issues of economy and immigration - wey polls show say Americans trust Donald Trump more on - only make di problem worse for di president, however.
“I really no know wetin e tok at di end of dat sentence, and I no think say e know too,” Trump fire back after anoda Biden response. Dat line fit just summarise how di night waka.
A more focused Trump
Di former president to a great extent present a more disciplined, clear performance. E avoid di kind of interruptions and attitude wey affect im first debate appearance for 2020 and e turn di discussion back to attacks on Mr Biden record whenever possible.
E repeatedly make points wey no dey supported by facts as well as clear lies, but Mr Biden bin mostly no fit catch am for those points.
Wen di topic turn to abortion, for instance, di former president repeatedly shift attention to wetin e say be di Democratic extremism. E claim, incorrectly, say Democrats support abortions after babies dey born.
Abortion na issue wey don prove to be weakness for Trump and Republicans in general since di overturning of Roe v Wade - wey bin protect di constitutional right to abortion - by di Supreme Court for 2022. But Mr Biden attacks for area wia e suppose score points bin fall flat.
“Na terrible tin, wey you do,” di president tok.
'I no have sex with a porn star'
Inside one appearance shortly after di debate finish, Vice-President Kamala Harris tok say di president bin get a “slow start” but say e finish strong. Dat wan fit be too much positive tok compared to wetin play out, but na true say Mr Biden bin steady himself as di debate progress.
For one memorable line, Mr Biden mention Donald Trump conviction on charges wey come from one alleged romantic dealings with adult film star Stormy Daniels and e say di former president get “di morals of an alley cat”.
“I no have sex with a porn star,” Trump fire back.
Trump also appear to not get too much strong points wen e bin dey talk about im response to di 6 January attack on di US Capitol. E bin first try to turn one question about im responsibility for di Capitol riot into a condemnation of Mr Biden record, but dis time, di president no gree let am off di hook.
“E encourage those pipo to go up to Capitol Hill. E siddon dia for three hours as im aides bin dey beg am to do something,” Mr Biden tok. “E no do a damn tin.”
Di former president also repeatedly dodge wen e come to whether e go accept di outcome of di 2024 election.
Wetin go happen next?
Dis na di earliest debate in modern US history, partly because Biden team bin want am dat way. One reason na say dem bin dey try to shift focus to Trump early for di campaign season, hoping say American voters go dey reminded of di chaotic nature of im presidency.
But more pipo go dey talk about Mr Biden performance after dis debate dan di former president.
Another reason Biden team fit don want early debate na say e go give dia candidate more time to recover from a weak performance. In di end, this fit be wetin go give dem comfort after Thursday night.
Di Democrats get dia party convention for August, wen dem go dey able to offer a more scripted vision of a second Biden term for Americans. And another debate dey scheduled for September, wey - if e happen - go dey fresher for di American minds as dem head to di polls for November.
But many Democrats fit dey wonder whether a second chance at Mr Trump on di debate stage fit turn out differently for dia man. And some, at dis point, fit dey reason how dem fit get a different presidential nominee.
Di Biden campaign get almost two months to calm di waters. E go take open revolt for Democrats to abandon dia candidate – wey comfortably win enough primary delegates to secure di party nomination. At least so far, no prominent Democratic official don publicly break rank, even as some don reportedly raise alarm inside anonymous conversations with journalists.
Wen BBC ask am about di possibility of opening di convention to oda candidates or replacing di president, Deputy Campaign Manager Quentin Fulks say dem “no go dignify dat with a response”.
“President Biden go be di Democratic nominee, and President Biden go win dis election,” e add.
If Mr Biden campaign fit rally together im troops in di coming days, di first point fit dey true. Donald Trump himself don prove say politicians fit face big issues and still pull through.
After tonight debate, however, many Democrats fit get serious doubts about im chances for November.
(http://www.autoadmit.com/thread.php?thread_id=5546940&forum_id=2...id.#47787720)